ਪੱਛਮੀ ਗੜਬੜੀ ਕਾਰਨ ਤਾਪਮਾਨ ਹੇਠਾਂ, ਪਹਾੜਾਂ ਦੀ ਬਰਫ਼ਬਾਰੀ ਨੇ ਮੈਦਾਨਾਂ ਵਿੱਚ ਵਧਾਈ ਠੰਢ

ਵੈਸਟਰਨ ਡਿਸਟਰਬੈਂਸ ਦੇ ਅਸਰ ਨਾਲ ਸੂਬੇ ਭਰ ‘ਚ ਮੌਸਮ ਦਾ ਮਿਜਾਜ ਬਦਲ ਗਿਆ ਹੈ। ਪਿਛਲੇ 24 ਘੰਟਿਆਂ ਦੌਰਾਨ ਹੋਈ ਵਰਖਾ ਨੇ ਹਵਾ ਵਿੱਚ ਨਮੀ ਵਧਾਈ ਹੈ ਤੇ ਤਾਪਮਾਨ ਨੂੰ ਘਟਾ ਦਿੱਤਾ ਹੈ। ਮੌਸਮ ਵਿਭਾਗ ਅਨੁਸਾਰ, ਦਿਨ ਦਾ ਪਾਰਾ ਲਗਭਗ 0.6 ਡਿਗਰੀ ਤੱਕ ਘਟਿਆ ਹੈ, ਜਦਕਿ ਵੱਧ ਤੋਂ ਵੱਧ ਤਾਪਮਾਨ ਆਮ ਦਰ ਨਾਲੋਂ 1.7 ਡਿਗਰੀ ਘੱਟ ਦਰਜ ਹੋ ਰਿਹਾ ਹੈ।

ਅਗਲੇ ਦੋ ਦਿਨਾਂ ਵਿੱਚ ਤਾਪਮਾਨ ਹੋਰ ਘਟਣ ਦੀ ਸੰਭਾਵਨਾ ਜਤਾਈ ਗਈ ਹੈ।

ਪਹਾੜਾਂ ‘ਚ ਬਰਫਬਾਰੀ, ਮੈਦਾਨਾਂ ‘ਚ ਵਧੀ ਠੰਢੀ ਹਵਾ

ਹਿਮਾਲਿਆਈ ਇਲਾਕਿਆਂ ‘ਚ ਹੋਈ ਬਰਫਬਾਰੀ ਨੇ ਪੰਜਾਬ ਦੇ ਮੈਦਾਨੀ ਹਿੱਸਿਆਂ ‘ਚ ਠੰਢੀ ਹਵਾ ਦਾ ਦੌਰ ਸ਼ੁਰੂ ਕਰ ਦਿੱਤਾ ਹੈ। ਰਾਤ ਦਾ ਪਾਰਾ ਜੋ ਪਿਛਲੇ ਦਿਨਾਂ ਵਧਦਾ ਚੱਲ ਰਿਹਾ ਸੀ, ਹੁਣ ਇੱਕ ਝਟਕੇ ਵਿੱਚ 4 ਡਿਗਰੀ ਤੱਕ ਘਟ ਗਿਆ ਹੈ।

ਇਸ ਕਾਰਨ ਸੂਬੇ ਦਾ ਘੱਟੋ-ਘੱਟ ਤਾਪਮਾਨ ਹੁਣ ਆਮ ਦਰਾਂ ਦੇ ਨੇੜੇ ਆ ਗਿਆ ਹੈ। ਮੌਸਮ ਵਿਗਿਆਨੀਆਂ ਦੇ ਮਤਾਬਕ, ਇਹ ਸਰਦੀ ਦੀ ਸ਼ੁਰੂਆਤੀ ਦਸਤਕ ਮੰਨੀ ਜਾ ਰਹੀ ਹੈ।

 ਸ਼ਹਿਰਾਂ ‘ਚ ਤਾਪਮਾਨ ‘ਚ ਅੰਤਰ — ਫਰੀਦਕੋਟ ਸਭ ਤੋਂ ਠੰਢਾ

ਘੱਟੋ-ਘੱਟ ਤਾਪਮਾਨ ਵਿੱਚ ਆਈ ਗਿਰਾਵਟ ਨਾਲ ਪੰਜਾਬ ਦੇ ਬਹੁਤ ਸਾਰੇ ਸ਼ਹਿਰ 10 ਤੋਂ 12 ਡਿਗਰੀ ਦੇ ਵਿਚਕਾਰ ਰਹੇ। ਸਭ ਤੋਂ ਘੱਟ ਪਾਰਾ ਫਰੀਦਕੋਟ ਵਿੱਚ 7.9 ਡਿਗਰੀ ਦਰਜ ਕੀਤਾ ਗਿਆ।

ਵੱਧ ਤੋਂ ਵੱਧ ਤਾਪਮਾਨ ਦੀ ਗੱਲ ਕਰੀਏ ਤਾਂ ਜ਼ਿਆਦਾਤਰ ਜ਼ਿਲ੍ਹਿਆਂ ਵਿੱਚ ਇਹ 26 ਤੋਂ 29 ਡਿਗਰੀ ਦੇ ਵਿਚਕਾਰ ਰਿਹਾ, ਜਦਕਿ ਲੁਧਿਆਣਾ ਦੇ ਸਮਰਾਲਾ ਵਿੱਚ ਸਭ ਤੋਂ ਵੱਧ 30.7 ਡਿਗਰੀ ਰਿਕਾਰਡ ਕੀਤਾ ਗਿਆ।

ਸ਼ਹਿਰ-ਵਾਰ ਤਾਪਮਾਨ:

ਅੰਮ੍ਰਿਤਸਰ: 10.7°C (ਘੱਟੋ-ਘੱਟ), ਲੁਧਿਆਣਾ: 14.4°C, ਪਟਿਆਲਾ: 18.4°C, ਬਠਿੰਡਾ: 12°C, ਗੁਰਦਾਸਪੁਰ: 11.8°C

 ਪਰਾਲੀ ਸਾੜਨ ਦੇ ਮਾਮਲੇ ਫਿਰ ਵਧੇ — ਇੱਕ ਦਿਨ ‘ਚ 351 ਕੇਸ

ਮੌਸਮ ਦੇ ਬਦਲਾਅ ਨਾਲ ਹੀ ਪਰਾਲੀ ਸਾੜਨ ਦੇ ਮਾਮਲਿਆਂ ਵਿੱਚ ਵੀ ਉਛਾਲ ਦੇਖਣ ਨੂੰ ਮਿਲਿਆ ਹੈ। ਵੀਰਵਾਰ ਨੂੰ ਸੂਬੇ ਵਿੱਚ ਕੁੱਲ 351 ਨਵੇਂ ਕੇਸ ਦਰਜ ਕੀਤੇ ਗਏ।

ਸਭ ਤੋਂ ਵੱਧ ਮਾਮਲੇ ਮੋਗਾ (46) ਤੋਂ ਮਿਲੇ ਹਨ। ਇਸ ਤੋਂ ਇਲਾਵਾ ਮੁਕਤਸਰ (40), ਸੰਗਰੂਰ (31), ਲੁਧਿਆਣਾ (29), ਫਿਰੋਜ਼ਪੁਰ ਤੇ ਤਰਨਤਾਰਨ (28-28), ਬਠਿੰਡਾ (27), ਅੰਮ੍ਰਿਤਸਰ (25), ਮਨਸਾ (24) ਅਤੇ ਪਟਿਆਲਾ (21) ਵਿੱਚ ਵੀ ਮਾਮਲੇ ਸਾਹਮਣੇ ਆਏ ਹਨ।

 ਸਰਦੀ ਨੇ ਦਿੱਤਾ ਇਸ਼ਾਰਾ — ਅਗਲੇ ਦਿਨ ਹੋ ਸਕਦੀ ਹੋਰ ਕਮੀ

ਪੰਜਾਬ ਦੇ ਮੁੱਖ ਸ਼ਹਿਰਾਂ ‘ਚ ਦਿਨ ਦਾ ਤਾਪਮਾਨ 26 ਤੋਂ 30 ਡਿਗਰੀ ਅਤੇ ਰਾਤ ਦਾ 11 ਤੋਂ 15 ਡਿਗਰੀ ਦਰਮਿਆਨ ਰਿਹਾ।

ਅੰਮ੍ਰਿਤਸਰ ਅਤੇ ਜਲੰਧਰ ਵਿੱਚ ਦਿਨ ਦਾ ਪਾਰਾ 26–27 ਡਿਗਰੀ, ਜਦਕਿ ਲੁਧਿਆਣਾ ਤੇ ਪਟਿਆਲਾ ਵਿੱਚ 29–30 ਡਿਗਰੀ ਰਿਹਾ। ਮੌਸਮ ਵਿਭਾਗ ਦਾ ਕਹਿਣਾ ਹੈ ਕਿ ਹਵਾ ਦੀ ਦਿਸ਼ਾ ਉੱਤਰ ਵੱਲੋਂ ਹੋਣ ਕਾਰਨ ਸੂਬੇ ਵਿੱਚ ਠੰਢ ਦੀ ਤੀਬਰਤਾ ਵਧੇਗੀ ਅਤੇ ਅਗਲੇ ਕੁਝ ਦਿਨ ਹੋਰ ਸੁਹਾਵਣੇ ਰਹਿਣਗੇ।ਦੀ ਤੀਬਰਤਾ ਵਧੇਗੀ ਅਤੇ ਅਗਲੇ ਕੁਝ ਦਿਨ ਹੋਰ ਸੁਹਾਵਣੇ ਰਹਿਣਗੇ।